«ԱԼԻՔ» – Երէկ՝ երկուշաբթի, մայիսի 5-ին, երեկոյեան ժամը 7.30-ին, «ՀՈՒՍԿ» հաստատութեան կենտրոնում կայացաւ դասախօսական երեկոյ՝ «Թուրքիայի իշխանութիւնների դիւանագիտութիւնը՝ Հայոց Ցեղասպանութեան վերաբերեալ» թեմայով:
Սկզբում ծրագրավար Իսիկ Իւնանէսեանը հակիրճ արտայայտութիւններով ողջունեց պարսիկ ու հայ հանդիսատեսներին եւ ապա ներկայացրեց օրւայ դասախօս Գրիգոր Ղազարեանին:
Սկսելով իր դասախօսութիւնը, պրն. Ղազարեանը սահիկների ցուցադրման օգնութեամբ անդրադարձաւ հետեւեալ նիւթերին՝ Թուրքիայի պետ. իշխանութեանց ընթացքի հոլովոյթը՝ վերջին տարիներին՝ պանթուրանական գործօնի առկայութեամբ, Թուրքիայի հասարակութեան վերաբերմունքն ու ընթացքը, ԹՈՒՐՔԻԱՅԻ ԺՈՂՈՎՐԴԻ արթնացման վեց պատճառները, եկող մէկ-երկու տարւայ ընթացքում Թուրքիայի դժւարութիւնները, որոնք բաղկացած են չորս հիմնական դրոյթներից, Էրդողանի վերջին արտայայտութիւնների արձագանգը, որն ունի երեք կարեւոր կէտ, եւ ի վերջոյ՝ հանրային կարծիք-մտքերի ճնշումը՝ Թուրքիայի իշխանութիւնների վրայ, եւ այն ազդակները, որոնք պատճառ են դառնում Թուրքիայի իշխանութիւնների դիւանագիտական անւի ուղղութեան փոփոխման…
Վերջում եղան հարց ու պատասխաններ եւ թեթեւ հիւրընկալութիւն:
