Ապրիլի 24-ին Իսրայելում Թուրքիայի դեսպանատան և հյուպատոսության մոտ բողոքի ակցիա է կազմակերպվելու

(ԱՐՄԵՆՊՐԵՍ) Այս մասին «Արմենպրես»-ի հետ զրույցում նշեց Հայ դատի Երուսաղեմի հանձնախմբի ատենապետ Հակոբ Սեւանը:

«Մեր հիմնական ուղերձը մեկն է` պահանջատիրությունը: Հայ ազգը 100 տարի անց էլ շարունակելու է պայքարը: Մեր հիմնական պահանջն է` Հայոց ցեղասպանության ճանաչում, հողերի վերադարձ»,-ասաց Հակոբ Սևանը:

Մինչ Թուրքիայի դեսպանատան և հյուպատոսության շենքերի մոտ բողոքի ակցիան, ապրիլի 23-ին Երուսաղեմի Հայոց պատրիարքության կողմից մատուցվելու է սուրբ պատարագ` ի հիշատակ նահատակ սրբերի: Այնուհետև ծաղկեպսակներ են դրվելու, ծաղիկներ են խոնարհվելու Հայոց ցեղասպանության հուշարձանների մոտ: Դրանից բացի, երեկոյան անկացվելու է ջահերով երթ, որը մեկնարկելու է Երուսաղեմի Սուրբ Հակոբավանքի մոտից դեպի Սուրբ Գրիգոր Լուսավորիչ եկեղեցի: