Մոնթրէալի մէջ կայացաւ Արցախի զօրակցութեան հաւաք

Դեկտեմբեր 28ին, ՀՅԴ Գանատայի Երիտասարդական Միութեան (ԳԵՄ) «Լեւոն Շանթ» եւ «Բեկոր Աշոտ» մասնաճիւղերու կազմակերպութեամբ, Մոնթրէալի մէջ կայացաւ Արցախի զօրակցութեան հաւաք։ Մոնթրէալի Միացեալ Ազգերու Կազմակերպութեան փախստականներու հարցերով գերագոյն յանձնակատարի գրասենեակին դիմաց ԳԵՄ-ի անդամները բողոքի իրենց ձայնը բարձրացուցին, պահանջելով վերջ տալ Ատրպէյճանի կողմէ Արցախի շրջափակման։ ՄԱԿ-ի գրասենեակի պաշտօնատարներ կապ հաստատեցին ցուցարարներուն հետ եւ իրազեկ դառնալէ ետք կացութեան, խոստացան ցուցարարներու բողոքին մասին տեղեկացնել ՄԱԿ-ի փախստականներու հարցերով գերագոյն յանձնակատարի Օթթաուայի Կեդրոնական գրասենեակի գերատեսչութեան։ Բողոքի ցոյցի աւարտին, ՀՅԴ Գանատայի Երիտասարդական Միութեան անդամները երգեցին «Ելէք հայեր Պայքարի» երգը։

——

Members of AYF Canada “Levon Shant” and “Pegor Ashod” Chapters protest in Montreal against Artsakh blockade. Protest in front of the UNHCR (The United Nations High Commissioner for Refugees) building against Azerbaijani agression and Artsakh blockade.

Photos by Ariane Taslakian