(ԱԶԴԱԿ) Երկուշաբթի, 21 մարտ 2016-ի առաւօտուն, Արամ Ա. վեհափառ հայրապետը, միաբան հայրերու, Մեծի Տանն Կիլիկիոյ կաթողիկոսութեան Ազգային վարչութեան անդամներու եւ Լիբանանի Հայ դատի մարմինի ներկայացուցիչներու ներկայութեան, Մեծի Տանն Կիլիկիոյ կաթողիկոսութեան «Ս. Մեսրոպ Մաշտոց» շքանշանով պարգեւատրեց ցեղասպանագէտ եւ սփիւռքագէտ Փրոֆ. Միհրան Տապպաղը: Միջին Արեւելքի Հայ դատի գրասենեակի պատասխանատու Վերա Եագուպեան հակիրճ կերպով ներկայացուց փրոֆ. Տապպաղի կենսագրականը, գործունէութիւնն ու լոյս ընծայած աշխատասիրութիւնները:
Վեհափառ հայրապետը խօսք առնելով ըսաւ, թէ Մեծի Տանն Կիլիկիոյ կաթողիկոսութեան համար Հայ դատի, Հայոց ցեղասպանութեան ճանաչման եւ հայ ժողովուրդի արդար իրաւունքներու արդար հատուցման մարզերուն մէջ աշխատող եւ ներդրում ունեցող հայ թէ օտար մտաւորականներն ու գիտաշխատողները սիրելի ու գնահատելի անձեր են: Ան յատկապէս նշեց փրոֆ. Տապպաղի գերմանական համալսարաններուն մէջ աշխատելու իւրայատուկ կարեւորութիւնը` նկատի ունենալով Գերմանիոյ դերը Հայոց ցեղասպանութեան օրերուն եւ այսօր` Եւրոպայի եւ միջազգային ընկերութեան մէջ անոր ունեցած դիրքը: Վեհափառ հայրապետը աւելցուց, որ «Մեծի Տանն Կիլիկիոյ կաթողիկոսութիւնը մեր ժողովուրդի արդար իրաւունքներու վերատիրացման աշխատանքներուն մէջ յառաջատար եւ առաջնորդողի դիրքի վրայ է երեք պատճառներով` ա) մեր եկեղեցին ու մեր ժողովուրդը ամրօրէն ընդելուզուած են, հետեւաբար անկարելի է մեր ժողովուրդին ու մեր եկեղեցւոյ մէջ որեւէ բաժանում տեսնել. բ) արդարութեան հարցը ընդհանրապէս եկեղեցիներու, բայց մա՛նաւանդ մեր Սուրբ աթոռին գլխաւոր օրակարգին վրայ է: Արդարութիւնը աստուածային պարգեւ մըն է, որուն պէտք է արժանանայ իւրաքանչիւր մարդ. գ) Մեծի Տանն Կիլիկիոյ կաթողիկոսութիւնը ի՛նք եւս զոհն է Հայոց ցեղասպանութեան, այս իսկ գիտակցութեամբ չի՛ կրնար անտարբեր մնալ այս խնդիրին առնչութեամբ»: Խօսքի աւարտին, վեհափառ հայրապետը «Ս. Մեսրոպ Մաշտոց» շքանշանով զարդարեց փրոֆ. Տապպաղի կուրծքը` առ ի գնահատանք անոր տարած աշխատանքներուն:
Պարգեւատրեալը խօսք առնելով շնորհակալութիւն յայտնեց վեհափառ հայրապետին: Ան ըսաւ, թէ իրեն համար մեծ խորհուրդ մը կը բովանդակէ այս շքանշանը, որովհետեւ Մեծի Տանն Կիլիկիոյ կաթողիկոսութիւնը յիշողութեան եւ պահանջատիրութեան վայր է: Փրոֆ. Տապպաղ շեշտեց Հայ դատի գծով վեհափառ հայրապետին դերը միջազգային ծիրին մէջ եւ խնդրեց վեհափառ հայրապետէն, որ յատուկ ծրագիր մը մշակէ համախմբելու սփիւռքի մէջ Հայոց ցեղասպանութիւնը ուսումնասիրողները, որպէսզի աւելի համադրուած ձեւով կատարուին յառաջիկայ աշխատանքները: Աւարտին, փրոֆ. Տապպաղ վեհափառ հայրապետին նուիրեց գերմաներէնով իր աշխատասիրած «Կորուստ եւ կտակ» երկը, որ վերապրողներու յուշերու հաւաքածոյ մըն է:
Genocide Scholar Mihran Dabag Awarded ‘Saint Mesrop Mashtots’ Order
(ASBAREZ, ARMENPRESS) — Genocide scholar Mihran Dabag was recently awarded the “Saint Mesrop Mashtots” Order by Aram I Catholicos of Great House of Cilicia. The award ceremony was attended by members of the National Council of the Catholicosate and the Armenian National Committee.
Director of Armenian National Committee of the Middle East Office Vera Yacoubian presented the biography of Dabag, his activities, and his publications.
Aram I Catholicos mentioned in his speech that all people, Armenian or foreigners, that have had a contribution to the recognition of the Armenian Genocide and compensation, as well as recovery of fair rights of Armenians are beloved and valued people. “It is of particular importance that Mihran Dabag is employed in a German universities, considering Germany’s role in the Armenian Genocide, as well as that county’s influence in European and international structures,” Aram I said.
Dabag expressed gratitude to His Holiness, stating that the medal is of great symbolism for him, especially since how important the Great House of Cilicia is to the Armenian people.