«ԱԼԻՔ» (Թղթակից՝ Նոր Ջուղա) – Նոյեմբերի 26-ի երեկոյեան ժամը 7։30-ին, Նոր Ջուղայի Հայ Մ. Մ. «Արարատ» միութեան սրահում, հանդիսաւոր տօնակատարութեամբ նշւեց Հ. Յ. Դաշնակցութեան հիմնադրման 124-ամեակը, նախաձեռնութեամբ շրջանի Հայ Դատի «Արձագանգ» քարոզչական յանձնախմբի։
Տօնակատարութեան մեկնարկը տրւեց ՀՅԴ «Մշակ բանւոր» քայլերգի յոտնկայս ունկնդրութեամբ, որից յետոյ ելոյթ ունեցան օրւայ բանախօսներ՝ ՀՅԴ շրջանի կազմակերպութեան տարբեր կառոյցների ներկայացուցիչներ՝ «Թադէոս Թադէոսեան» պատանեկան միութեան անդամ՝ Լուսին Մինասեանը, «Ռուբէն» երիտասարդական միութիւնից՝ Լալագէ Իսաղուլեանը եւ տարիների հասարակական ու ազգային գործիչ՝ Վրէժ Շիրւանեանը։
Ծրագրի երկրորդ բաժնում յեղափոխական երգերի կատարմամբ ներկաներին ոգեշնչեցին համայնքիս երգիչներ՝ Արթին Քեշիշեանն ու Րաֆֆի Խուդաբախշեանը՝ նւագակցութեամբ «Անի» նւագախմբի։
Տօնակատարութիւնն աւարտւեց Սպահանի հայոց թեմի առաջնորդ Տ. Բաբգէն եպս. Չարեանի փակման խօսքով։
Մանրամասնութիւնները՝ հետագայում։
Լուսանկարիչ՝ Գեւիկ Խաչատրեան