Մամուլի հաղորդագրություն

Կը դատապարտենք Քեսապի վրայ, Թուրքիոյ ճամբով, վերջին օրերուն կատարուած յարձակողական գործողութիւնները։

Ամիսներէ ի վեր, մենք կը զգուշացնէինք միջազգային համայնքը, թէ Սուրիոյ մէջ կռուող այս օտար ծայրայեղական կռուողներ կը ներկայացնեն մեծագոյն վտանգը Սուրիոյ մէջ քրիստոնեայ փոքրամասնութեան համար։

Հայաբնակ Քեսապ աւանի եւ շրջակայ գիւղերուն վրայ այս դաժան եւ չհրահրուած յարձակումներով նորագոյն օրինակն են այդ բռնութեան, որ գործօն կերպով կը քաջալերուի դրացի Թուրքիոյ կողմէ։

Կոչ կ՚ուղղենք բոլոր պետութիւններուն, որոնք ազդեցութիւն ունին Սուրիոյ հակամարտութեան մէջ, գործածելու իրենց տրամադրելի բոլոր միջոցները՝ Քեսապի խաղաղ բնակչութեան դէմ այս յարձակումներուն վերջ դնելու եւ թոյլ տալու անոնց՝ ապահով եւ անվտանգ վերադառնալու իրենց տուները։

Վերջին հարիւր տարուան մէջ, այս երրորդ անգամն է, որ հայութեան կը պարտադրուի հեռանալ Քեսապէն. երեք պարագաներուն ալ՝ Թուրքիան կամ յարձակողն է եւ կամ՝ յարձակողներուն աջակցողը։

Միաժամանակ, անհրաժեշտ է, որ միջազգային համայնքը զսպէ Թուրքիան, որպէսզի ան դադրեցնէ իր հակահայ այս եւ նման գործողութիւնները, եւ ընդհանրապէս Հայաստանի ու հայութեան դէմ իր թշնամական քաղաքականութիւնը։

Հ.Յ.Դ. Բիւրոյի Հայ Դատի Կեդրոնական խորհուրդ

23 մարտ 2014